النور مكانه فى القلوب

النور مكانه فى القلوب
احضن خيوط شمس الغروب
ياتكون قد الحياة
ياتعيش وحيد وسط الدروب

اليأس ضعف وخوف جبان
لكن الامل يفتح بيبان
ياتكون قد الحياة
ياتعيش وحيد وسط الدروب

المس خضار الشجر
حس بضياء القمر
انقش قلوب عالحجر

على شىء متندمشى

يمك قوام عديه
امشى الطريق امشيه
العمر ايه يرويه

غير قلب ميخافشى

فى ناس كتير ترضى المصير
وناس تشوف بضمير ضرير

ياتكون قد الحياة
ياتعيش وحيد وسط الدروب

حلى مرار الايام
لسة الحياة قدام
قوم لون الاحلام
واوعى متضحكشى

جسدك فى قلبه الروح
تداوى كل جروح
بالسر اوعى تبوح
واياك متحلمشى

اغنية مدحت صالح بتعبر عن اللى جوايا
مش انا اللى اشكى مش انا اللى اقعد اقول ليه يادنيا وعشان ايه،،انا اتولدت فى ظروف معفنة كلها فقر وبخل وعته وعدم وعي باى شىء........وانا فضلت ابكى كتير واقول ليه وعشان ايه ،دلوقتى انتهى وقت العتاب لازم اخد حقى المشروع فى الدنيا غصب عن التخين فى البلد..............حقى المشروع فى حياة كريمة ..........حقى المشروع فى التعبير عن رايى.......حقى المشروع فى فى اختيار مصيرى
............حقى المشروع فى انى ارشح نفسى لاتحاد طلبة الكلية.......الاتحاد الزبالة اللى بالتعيين المفروض يكون بالانتخاب مش بالتعيين...................
غصب عن عين اى حد


كان جوايا احلام كتير لكن كلها ماتت

اول حلم فى حياتى وانا صغير كانوا يسألونى نفسك تطلع ايه لما تكبر؟ اقولهم ظابط!لكن مبقتش ظابط
لما كنت فى اعدادى كنت بحلم ادخل مدرسة المتفوقين اللى فى عين شمس لكن جبت مجموع اقل منها بدرجتين ومدخلتهاش!
لما دخلت ثانوى كنت بحلم اجيب مجموع كبير وادخل اقتصاد وعلوم سياسية لكن مجموعى جاب تجارة ومات حلمى!
لما دخلت الجامعة كنت بحلم انى ارشح نفسى فى اتحاد الطلبة لكن اكتشفت انو بالتعيين والكوسة ومات حلمى!

كل احلامى متحققتش

وانا عرفت متحققتش ليه

متحققتش عشان كانت احلام!